Albisteak

Araba Encounter 08 borobila, parte-hartzaile, boluntario, babesle eta antolatzaileen elkarlanari esker

press@euskalencounter.org (Infotres) — Sun, 16 May 2021 13:52:04 +0000

• Online gauzatutako topaketa teknologikoaren zortzigarren edizioa gaur amaitu da 15:00etan, jardueraz beteriko hiru jardunaldiren ostean. Antolatutako 52 jarduerak aurreikusi bezala burutu dira, eta hitzordua baliagarria izan da teknologia-zaleek elkarrekin ondo pasatu eta ikasteko.

• Antolatzaileek eskerrak eman nahi dizkiete bilkurarekin bat egin duten 340 lagunei, Encounter topaketei leial jarraitzen baitute nahiz eta online formatuan izan.

• Adimen artifiziala, ziurtagiri digitalak, zibersegurtasuna edo bideo-jokoak bezalako gai anitzak jorratu dituzte hainbat adituk 16 hitzaldi eta tailerretan, Internet bidez eta publiko orokorrarentzat zabalik. Prestakuntza-saioak eskuragai daude Euskal Encounterren Youtubeko kalanean.

• Bilkura Euskaltel Fundazioak antolatu du Euskaltelen, Arabako Foru Aldundiaren eta Eusko Jaurlaritzaren laguntzarekin, SPRI Taldearen bitartez.

Prestakuntza eta berrikuntza aldarrikatzen dituzte adituek ziberdelinkuentziaren arriskuei aurre egiteko

press@euskalencounter.org (Infotres) — Sat, 15 May 2021 13:30:18 +0000

Araba Encounterren eskainitako hainbat hitzalditan hiritarrak babesteari buruz mintzatu dira, iruzurrean oinarritutako delitugintza-industriaren aurrean.
EuskalHack elkarteko Roberto Casadok teknologia berrien bitartez gauzatzen diren engainu-saiakera ugarien aurrean erne egotearen garrantziaz ohartarazi du.
Aiara Valley enpresako Venan Llona internet bidezko identifikazio sistemen hazkundeaz mintzatu da, eta jakinarazi du administrazio publikoek tramiteetan gero eta gehiago eskatzen dituztela ziurtagiri elektronikoak.
Bilkura Euskaltel Fundazioak antolatu du Euskaltelen, Arabako Foru Aldundiaren eta Eusko Jaurlaritzaren laguntzarekin, SPRI Taldearen bitartez.

Teknologia berrien zaleek Araba Encounterreko plaza guztiak hartu dituzte eta 52 ekintzaz gozatuko dute igandera arte

press@euskalencounter.org (Infotres) — Fri, 14 May 2021 13:31:31 +0000

Encounter festa teknologikoen zaleek ez diete topaketa birtualei hutsik egin: hitzordu presentzialak iritsi artean, bete egin dituzte Araba Encounterreko 340 plazak.
Abian da bilkura: hitzaldi eta prestakuntza-tailerrak, jokoak, nahiz sormen digital, software libre, hardware eta bideo-joko lehiaketak izango dira datozen egunotan
Party teknologiko birtualak COVIDak eragindako isolamenduari aurre egiteko tresna baliagarriak direla azpimarratu dute Araba Encounterren inaugurazioan hitza hartu duten agintariek

Zibersegurtasuna, adimen artifiziala, bideo-jokoak eta ziurtagiri digitalak, Araba Encounter 08ko hitzaldien ardatz nagusiak

press@euskalencounter.org (Infotres) — Thu, 13 May 2021 09:55:23 +0000

Bihartik igandera bitartean online egingo den topaketa teknologiko honen zortzigarren edizioak lanparty-an parte hartzeko eskubidea ematen duten 340 plaza birtual izango ditu. Gainera, prestakuntza-hitzaldi guztiak doan ikusi ahal izango dituzte interesdun guztiek
Araba Encounterren egitarauaren barruan, 52 jarduera daude: prestakuntza-hitzaldiak eta arte digital, software libre, hardware zein bideo-joko arloetako lehiaketak, besteak beste
Antolakuntzak Arabako Parke Teknologikoan jarritako kontrolgunetik koordinatuko ditu jarduera guztiak
Bilkura Euskaltel Fundazioak antolatu du Euskaltelen, Arabako Foru Aldundiaren eta Eusko Jaurlaritzaren laguntzarekin, SPRI Taldearen bitartez

Araba Encounterrek datak aldatu eta online formatuaren alde apustu egin du, 340 plaza birtual eskainiz

press@euskalencounter.org (Infotres) — Mon, 10 May 2021 05:49:40 +0000

Ekimen teknologiko honen zortzigarren edizioa datorren maiatzaren 14 eta 16 bitartean egingo da. Data aldaketa egin dute, aurreko bilkurak abenduan egin baitira.
Segurtasuna ahalik eta gehien bermatzeko, topaketak online formatuari eutsiko dio: 340 plaza ditu eta jarduera guztiak birtualki egingo dira. Parte-hartzaileak euren etxeetan egongo dira, eta antolakuntzak Arabako Parke Teknologikoan ezarritako kontrolgunetik koordinatuko ditu jarduera guztiak.
Ekitaldia Euskaltel Fundazioak antolatu du Euskaltelen, Arabako Foru Aldundiaren eta Eusko Jaurlaritzaren laguntzaren (SPRI Taldearen bitartez) laguntzarekin.